الـفرق بين أزواج وزوجات الماضي وأزواج الوقت الحالي

هـــاي people!



بداية اتمنالكم سنه ميلاديه يديده مليئه بالفرح والسرور ..



وكل عام وانتوا بخير ,,









الحيااااة الزوجيه وما ادراك ما الحياة الزوجيه << "الي يقول الحين انا متزوجه ومعييزه "



المهم .. الرابطه الزوجيه ما بين الازواج تدرون انها رابطه مقدسه يقدسها الدين والمجتمع ..


والي يتزوج يعتبرر أكمل نص دينه ..


بالنسبه لزوجات الماضي أكيــــــــــــــــــــد في فرق شاسع بينهم وبين زوجات هالوقت ..


حلونا نشوف الزوجه في الماضي شنو كانت حياتها ..


أولا : ببدايه الزواج تلاقونها تلعب بالسكه مع عيال الفريج لأنها ليلحين ياهل .. !


ثانيا : حياتها متوزعه ما بين الطباخ والنفااخ وترس الكروش وبين التنظيف والأعمال المنزليه التعيسه !


ثالثا : مااسكه ولدها بيدها وترد تلعب بالسكه مع عيال الفريح ..


يعني بمعنى عام تقدرون تقولون ان دورها وحياتها كلها متمثله في أعمال المنزل ..


لا شهاده لا دراسه ولا وظيفه ولا بطيخ !


وشكلها لا تعليق الكشه بصوب واللبس بصوب والوي بصوب ثاني [img:4183]http://www.qadsiafans.com/fans/images/smilies/shojoon4990[1].gif[/img:4183] ..


جذي كانوا وعلياااا شوفوا معاي ..











زوجات الحاااضر ياااا كثر مااا تتحلطمون عليهم يااا رياييل هالوقت وياا حريم أول ..!


زوجات الحاضر والمستقبل :$ !



ياحلاتهم كشخه مرتبين مسنعين عارفين الfashoin :$ !


يهتمون بنفسهم علشان زوجهم ما تروح عينه منيي ولا منااك لأن بهالزمن في وايد مغريات تخلي يطير من ايد مرته .. @@


حاصلات على الشهادات الجامعيه ..


موظفات وممكن يكون منصبها اكبر من منصب زوجها ..


بس الامور الي حق بيتها والاعمال المنزليه اغلبها معتمده فيهم على الخدامه ..


انا من وجهة نظري اسميها المرأه الحديديه لأنهااا تعمل جاهده على انها تكون في مستوى الرجل واحسن بعد وكاااهي ماشالله وصلت أعلى المنااصب ..



شوفوووا معاااي







ستاااايل حدهااا مووو ؟؟







بالنسبه للأزواج ..


ازواج قبل مثل فكري بيك ااذا تعرفونه لوول اهمه الامرين الناهين في البيت الأسري ..


يروح الشغل يرد يلقى الزوجه والبلعه جدامه ..


والي ما يسمع كلامه يا ويله ..


يعني كان مصدر الرعب والخوف بالنسبه للأبناااء ويمكن حتى الزوجه ..


والشكل العام لهم الكرشه واهي شي رئيسي والدشداشه والغتره العويه الي مادري شلون صايره !





امااا أزوااج هالوقت عيني عليهم بارده..


مزقرتين روحهم ونادي وشادين حيلهم بهالعضلات ..


واغلبهم يعني مو نفس رياييل قبل يهتمون حق ان المراه تطبخ ومن هالسوالف ..


لأن اغلبهم قاموا ياكلون اكل مطاعم لووول .. فمافرق معاهم ..


لأن اهمه 24 ساعه هايتين ويه الربع ..





بالنهايه كل جيل عن جيل يختلف عن الثاني ..


وتطورات الازمااان اهي الي تغير من فكر الناااس وأطباعهم ..


مو بس من ناحية الزواج من كل النواحي في الدنيا ..



لأن تطور الزمن والفكر يلعب دور كبير في حياتنا كلنااا ..


وشكرااا لكم على حسن استماااعكم وانشالله محد سابقني ..