[b][b]
[b]+*+*+بسم الله الرحمن الرحيم+*+*+
+*+*+قووووووه شلوونتكم شخبارتكم عساتكم بخير انشالله شلون العيال والمدام و البابا وتيتي والمااماا و الكلكم +*+*+
طبعا هالموضووع فصله كله اسوي جذي بزواره خوالي أيمع الأطفااال واألف قصص على افاهم يعني اقزرهااا عليهم بس آخر شي انام واهم ما ناموو :p
طبعا ما راح اوصل مواصيل حبابه (الفنانه القديره مريم الغضبان الله يرحمها) بس حبابه فصله :p
نبلش كان يا مكان في قديم الزمان في سالف العصر والأوان
زور بن زرزووور اللي ذبح بقه وترس سبعت اجدور وخلا الصواني تدور وعزم ربعه و البجي خلاه اكل للطيور 
.....نسمي باسم الله ونصلي على الرسول ...اللهم صلي وسلم عليه...
في منطقه الوفره بالكويت كان في بيت حلوو اينن ساكنه فيه ليلى وامهاااااا...يوم من الأيام ام ليلى كانت تسوي عصيده وحلوى وتنقصت حق خالتها ام ريلها اللي ساكنه بالجهرا وقامت وقالت حق ليلى لانه ليلى مستانسه توها ما خذه الليسن فتحب الهياته....وقامت ام ليلى وحطت النقصه بالزبيل وعطته ليلى ووصتها وقالت لهاا: يابنيتي لازم تروحي من طريج السادس لاتروحين من السابع ولا صبحان لانج بنيه والطريج هناك يخرع يما حطي بالج لا توقفين حق اي شرطي الا اذا كنتي صج مخالفه غير جذي حقريه انزين يمااا
ليلى : انشالله يمااا
وراحت ليلى تشغل سيارتهاا (وانيت احمر ومكتوب من وراا ((احمر ما يغرز)) وبعدين شغلت شريط خالد الملا وقعدت تسمع اغانيه الحلوه مثل يالابس الثوب المنقط....
وراحت من طريج صبحان وكشتت بكلام امها وقام لحقتها دوريه وقام يقول الشرطي وطبعا الشرطي اهوو الذيب
الشرطي الذيب:ياراعي الوانيت الحمر اوووقف على اليمين اوووقف اووووقف
وليلى وقفت وجان ينزل الذيب ويروح لها قفلت البيبان و نزلت شويه من الدريشه تقريبا صبعين بس جان يقولها امووت على الخوافات والمتروسات
جااان ليلى تعطيهااا دووووووووووسااااااا دووووووس ياخنفوووووووووس وتطير 120 وبعدين 140 وبعدين 160......170...180.....220
لما وصلت الجهراا والشرطي لاحقها و من قطعه لي قطعه واهوا وراها وراها و من شارع لي شارع ومن فريج لي فريج اخر شي طقت رصيف ونحاشت ووصلت بيت يدتها و صفطت و نزلت بسرعه ونقزت ودشت عند يدها و توهاا قعدت عند يدتها وتوهااا بتقول حق يدتها السالفه جان يطق جرس الباااااب
تررررررررررن تررررررررررن جاااااان يووقف قلب ليلى واليده انزلت ركض تحت جان ليلى انحاشت فوق السطح تنخش عند التانكي لانهاا حست انه الذيب وقالت خل انحش على الأقل ادق على الشرطه وافتن عليه ...وقامت ليلى ونخشت وزهبت تلفونها
ودقت على 777 بس تدرون يبيلهم مليووون ساعه على مايردون وطبعا اليده اول ما افتحت البابو لقت الذيب لانه ليلى الذكيه صافطه سيارتها بره واللي ما يلاحظ راح يلاحظ سيارتها وانيت احمر ومكتوب عليه الاحمر ما يغرز واول ما حطت عينها بعبن الذيب كلاها الذيب حتى بدون لا يعضها لانها معرفطه وكلاها وعفس البيت كله يدور ليلى واخيرا ردوو 777وقالت ليلى لحقوناا الذيب كلاا يدتي جان ياكلها الذيب وب الشرطه لقطوو العنوان من التلفون وطرشوو الدوريه فيها شرطيين ونزل الشرطي الاول حق البيت وكااان مدهن شعره و لابس بدله مخصره وقصب لابسها ومسكر الزرارات ولقى البيت مفتوح دش ويدورهم ولا ياكله الذيب و طبعا الشرطي الثاني داخل الدوريه لاهي يتكلم بالتلفووون يمكن زوجته او صاحبته انا ما ابي اظلمه حراام :p
المهم انه بعدين حس انه رفيجه خاااس داخل جااان يطفي الدوريه وياخذ المفتاح ويدش داخل البيت وكلاه الذيب وطبعاا انترس بطن الذيب كل هالقبيله داااخل بطنه جان الشرطي الثاني اللي معاه المفتاح ياخذه ويحك بطن الذيب لما عوره وقامت تقلب جبده و طلعهم كلهم من بطنه وقامت ليلى تركض حق سيارتها وطلعت العجره والرنق وطاحت فيه طق بكسات و بالعجره ولما ماااات
وتووته توووته خلصت الحتووته
والقصه خلصت ملصت يت الديايه وعنفصت .....
اتمنى اعجبتكم القصه
مع دوودووو الكتكوته ...........للفصله عنوااان
حقووووق الطبع والتأليف محفوظه حق دودو المزيونه الحلوه الفدعه الجميله اللي كلش مو مغروره
[/b][/b][/b]
السبت 20 ديسمبر 2008 - 13:41
