للحقيقة عنوان

منتدى العائله
 
الرئيسيةمكتبة الصورس .و .جبحـثالتسجيلدخول

شاطر | 
 

 x التحرش والمغازل x وبعدين !!

اذهب الى الأسفل 
كاتب الموضوعرسالة
هلا بحبايبي
مشرف منتدى القصص و الروايات
avatar

ذكر عدد الرسائل : 1849
العمر : 24
المزاج : عاشت لنا الكويت الكويت و عاشو اهلها
رقم العضويه : 27
المزاج :
تاريخ التسجيل : 25/09/2008

مُساهمةموضوع: x التحرش والمغازل x وبعدين !!   الثلاثاء 6 يناير 2009 - 21:12

بسم الله والصلاة والسلام على اشرف خلق الله نبينا محمد وعلى آله وصحبه وسلم

السلام عليكم ورحمة الله وبركاته


بإذن الله [ قد التحدي ] بالمسابقة



اليوم بتكلم عن ظاهرة خطيرة ومنتشرة الا وهي مشكلة


[ المغازل والتحرش ]


قال رسول الله - صلى الله عليه وسلم :
[ ..................... فالعين تزني وزناها النظر واليد تزني وزناها اللمس والرجل تزني وزناها الخطى واللسان يزني وزناها المنطق والفم يزني وزناه القبل والنفس تمنى وتشتهي والفرج يصدق ذلك أو يكذبه ]



طبعا هالحديث وايد يحمل معاني واشياء خطيرة ...

طبعا كلنا نعرف انه الزنا من الكبائر وشنو عقوبتها ولو فسرنا هالحديث نشوف احنا شلون اخطئنا في تصرفاتنا
وشلون ظلمنا انفسنا بهالاشياء اللي نسويها والحديث جدا خطير .. تعالو نفسره !

{ اليد تزني وزناها االلمس }

// عشنا وشفنا بعد .. كل ما ادش السوق القالي كل واحد ماسكلي وحدة من كثرهم جنه صافين
[ اثنين اثنين ورايحين مختبر العلوم ] لووول ... والله حرام عليك اتوقع لو شايف اختك ماسكه واحد اقل شي تذبحها


{ الرجل تزني وزناها الخطى }

// بدال ما تسويلي المجمع مضمار سباق من الفرارة وتتمشا ورة فلانة وعلانة وفر خطواتك حق مسيد ولا مكتبة
ولا روح العب كرة ... ترا كل خطوة نيتك فيها تلحق بنية راح تتآثم عليهاوكل خطوة دين عليك راح ينرد عن طريق احد من اهلك وراح يمشون ويلحقون اهلك



{ اللسان تزني وزناها النطق }

// بدال ما تسهرلي طول الليل تطالع افلام رومانسية وتحفظ ابيات شعر وكلام حلو واليوم الثاني تروح
تسمعهم بالسوق
والمجمعات روح احفظلك قرآن ولا شي يفيدك ... لا والغبي يقولهم مثل ما سمعهم بالمصري لوول !

يعني مادري شهالوقاحة اللي حتى الوحدة ساعات مع اهلها يسمعها كلام ما ينقال يعني اذا ما تحترم نفسك ولا تحترم البنية احترم اهلها ... والله شي عجيب !!


[ هذا بالنسبة للحديث ]




*



{ المسؤلية x

{ بالاول كنا نقول الشباب اهمة اللي تقع عليهم المسؤلية في مسألة المغازل بس بهالوقت البنات لهم دور
يعني المسؤلية تقع على الشاب والبنت بنفس الوقت


// مظاهر المشلكة }

مظاهرها لا تعد ولا تحصى تبون جم مثال طبو وتخيرو !!

الشباب [
اييلك الشاب ومن كثر ما يروح يلزق بالبنية علشان يسمعها كلامه يروح يتربع بأذونها
اي نعم يتربع بأذونها ويسمع اللي حفظه البارحة عاد اللي يطلع وياه مصري سوري انجليزي هندي وطبعا كله بدليات


البنات [
تييلك البنية تتمسكن فقيرة مسكينة من اهل الله وتقط نقزات على الصبي وتسوي روحها مضيعة المحل
ولا تطيح جيس جدامه بس علشان تشوفه وتلفت نظره ... اللي يشوفها بالسوق ما يشوفها بالبيت فرق 180 درجة وطبعا
ينادونها بو جاسم من الخشونة اللي فيها دفاشة وصوت عالي وحوسة
]


* وجهة نظر

x من وجهة نظري انه نصف جمال البنت اخلاقها وحيائها اذا ما كان ثلاث ارباعه لأنه البنت اذا كانت احلى وحدة بالعالم
واخلاقها [ الله بالخير ] ولا في حيا شالفايدة من الجمال والعكس صحيح اذا كانت البنية مقبولة الشكل واخلاقها عالية هني يبين
المعدن الحقيقي والمواقف



{ الاسباب ... وما ادراك ما الاسباب ///

اسباب هذي المشكلة هم بعد لا تعد ولا تحصى بكل اختصار

[ شباااااب عندي لكم خبر يسوا مليون دينار والله حدي مستانس
الشباب : شنو شنو شالسالفة ؟
فلان : اليوم ظبطت وحدة !
الشباب : صج ! شنو اسمها وين ساكنة وشلون ظبطتها ... الخ .. الحوار

[ ترى حتى البنات ... تييلك البنت تقول حق رفيجاتها ما تدرون ... فلان الفلاني معجب فيني ويبيني
بس انا ما عطيته وي وظل يلاحقني من مكان لي مكان ... شهالجذب والله ولا طل بويهج حتي لووووول


هذا من الاسباب اللي اهوة [ التفاخر والتباهي جدام الربع انه ظبط وحدة ويقولهم شسمها وتضيع سمعة البنية ]
ونفس الشي البنية تتفاخر انه معجب فيها ونص الكلام جذب لووووووول

{ ايضا من الاسباب اللي تخلي الشاب يكلم البنية او يتحرش فيها :
عدم اهتمام اهله فيه بفترة المراهقة واهية من اخطر مراحل العمر ... يعني كل ما يبدي رايه بشي بالبيت يسكتونه
ومو معطينه حقه وكله ينزف من اهله ووايد ينطرد وكثرة المشاكل هذي ... تخليه عايش وحيد
وبهالحالة [ يدور على احد يشكيله همومه يقوم ويكلم فلانة وعلانة ] وهو نوع من تفريج الهموم

يعني لازم كل اب وام واخ كبير واخت كبيرة يصيرون اصدقاء للشاب او البنت بهالفترة

/// ضعف الوازع الديني ...

عدم معرفة الاثم من ورا هالفعل الشين اللي يركتبونه شبابنا وبناتنا وانه راح يكون دين على كل واحد فيهم }

# والله يا شباب ويا بنات لو كل واحد كان بنيته انه يرتكب اثم وبلحظة راح توضا وصلى ركعتين ولا قرا قرآن
ولا سوا اي شي يرضي ربه جان تغلب على الشيطان ووخر عن هالاشياء الشينة



[ وفي اسباب بذكرها هالسريع بدون ما ادش بتفاصيلها]
{ صحبة السوء اللي تحثه على هالشي وتقوله انه هذي الرجولة انك تغازل البنات وتتحرش فيهم
وقت الفراااااغ وما ادراك ما وقت الفراغ عند الشباااب }




[ الحل ]

باختصار الحل هو اشغال وقت الفراغ بالاشياء المفيدة
تقوية الوازع الديني ومعرفة خطورة ارتكاب هذا الفعل وما يعود عليه من مشاكل واضرار


*



والكلمة اللي لازم تكون بعقل كل واحد محفورة عدل ويعرف زين

[ كما تدين تدان ]

باجر اذا تحرشت بوحدة وشفت اختك بنفس الوقت يتحرشون فيها [ لا تستغرب ]

ولا تقول ما عندي خوات ... عندك ام .. عندك زوجة بالمستقبل .. عندك بنتك بالمستقبل .. عندك اهلك
[ ولو بعد عشر سنوات ]



[ بالنهاية ] اقول الكلام اللي قلته عن [ بعض ] الشباب والبنات وليس [ الكل ]
[ اللهم ] احفظ شبابنا وبناتنا الذين هم عماد المستقبل ... اللهم استر على بناتنا واحفظهم
[ اللهم ] ابعد شبابنا وبناتنا عن كل حرام .. وحبب اليهم الايمان وزينه في قلوبهم وكره اليهم الكفر والفسوق والعصيان

[ اللهم آمين]



تقبلوا تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
<-)آرتيميس(->
إداريه عامه
إداريه عامه
avatar

انثى عدد الرسائل : 605
العمر : 30
رقم العضويه : 2
المزاج :
تاريخ التسجيل : 04/09/2008

مُساهمةموضوع: رد: x التحرش والمغازل x وبعدين !!   الثلاثاء 6 يناير 2009 - 21:42

يسلموووووووو عالموضوع
هلا بحبايبي

يعطيك العافيه عالموضوع

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هلا بحبايبي
مشرف منتدى القصص و الروايات
avatar

ذكر عدد الرسائل : 1849
العمر : 24
المزاج : عاشت لنا الكويت الكويت و عاشو اهلها
رقم العضويه : 27
المزاج :
تاريخ التسجيل : 25/09/2008

مُساهمةموضوع: رد: x التحرش والمغازل x وبعدين !!   الأربعاء 7 يناير 2009 - 0:30

الله يعافيج




ثانكس على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
salty
مشرف المنتدى العام
avatar

انثى عدد الرسائل : 649
المزاج : smile 4 ever
رقم العضويه : 3
المزاج :
تاريخ التسجيل : 04/09/2008

مُساهمةموضوع: رد: x التحرش والمغازل x وبعدين !!   الأربعاء 7 يناير 2009 - 22:15

تســـــــلم يا هلا بحبايبي ما قصرت Smile
الموضوع روعه ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هلا بحبايبي
مشرف منتدى القصص و الروايات
avatar

ذكر عدد الرسائل : 1849
العمر : 24
المزاج : عاشت لنا الكويت الكويت و عاشو اهلها
رقم العضويه : 27
المزاج :
تاريخ التسجيل : 25/09/2008

مُساهمةموضوع: رد: x التحرش والمغازل x وبعدين !!   الأربعاء 7 يناير 2009 - 22:45

الله يسلمج وخليجى

تسلمين على ذوقج


ثانكس على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
TOTA
أفضل عضو مشارك
أفضل عضو مشارك
avatar

انثى عدد الرسائل : 416
العمر : 33
رقم العضويه : 25
المزاج :
تاريخ التسجيل : 22/09/2008

مُساهمةموضوع: رد: x التحرش والمغازل x وبعدين !!   الأحد 1 فبراير 2009 - 20:50

مشكور على هالموضوع الحلو ..والله يعطيك العافيه Smile



تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
black spider
عضو فضي
عضو فضي
avatar

ذكر عدد الرسائل : 102
العمر : 26
المزاج : حلو
رقم العضويه : 23
المزاج :
تاريخ التسجيل : 15/09/2008

مُساهمةموضوع: رد: x التحرش والمغازل x وبعدين !!   الإثنين 2 فبراير 2009 - 17:19

مشكور على الموضوع



آن ما راح الزوج لو بعد 100 سنة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هلا بحبايبي
مشرف منتدى القصص و الروايات
avatar

ذكر عدد الرسائل : 1849
العمر : 24
المزاج : عاشت لنا الكويت الكويت و عاشو اهلها
رقم العضويه : 27
المزاج :
تاريخ التسجيل : 25/09/2008

مُساهمةموضوع: رد: x التحرش والمغازل x وبعدين !!   الخميس 5 فبراير 2009 - 14:30

العفو

يسلمو على المرور



بلاك لوول ليش يعني
الضاهر ناوي اتخلص على بنات الكويت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
x التحرش والمغازل x وبعدين !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
للحقيقة عنوان :: منتدى عام :: المنتدى العام-
انتقل الى: